ಪುಟಾಣಿ ಅನೀಶ್ ಗೆ ಅಜ್ಜನ ಆಶೀರ್ವಾದದ ಜೊತೆಗೆ, ಅಜ್ಜಿಯ ಶುಭಾಶೀರ್ವಾದಗಳು ಸಹಿತ !

ಬಹುದಿನದ ಹರಕೆಯ ನಂತರ ಮತ್ತೆ ಮನೆಯಲ್ಲಿ ಸಂತಸದ ಹೊನಲು ಹರಿಯುತ್ತಿದೆ !
                                                             ನಮ್ಮೆಲ್ಲರ ಶುಭ ಕಾಮನೆಗಳು !
ಅಳುವ ಕಂದನ ತುಟಿಯು ಹವಳದ ಕುಡಿಹಂಗ
ಕುಡಿ ಹುಬ್ಬು ಬೆವಿನೆಸಳಂಗ/ಕಣ್ಣೋಟ
ಶಿವನ ಕೈಯಲಗು ಹೊಳೆದಂಗ

ಕೂಸೆಲ್ಲ ಕುಂದಣ ನೆತ್ತೆಲ್ಲ ಜಾವೂಳ
ಕಟ್ಟಿ ಕೆಳಗಾಡಿ ಬೆವತಾನ/ನನ ಬಾಲ
ಹೊಸ ಮುತ್ತಿನ ದೃಷ್ಟಿ ತಗದೇನ

ರಚ್ಚೆ ಏತಕೊ ನಿನದು
ಬೆಚ್ಚನೆ ಹಾಲ ಕುಡಿದು
ಮಲಗೋ ನೀನು ನನ ಕಂದ
ಮಲಗೋ ನೀನು ನನ ಕಂದ...

ಅಳುವ ನಿಲಿಸಿ ನೀನು
ಬಳಸಿ ನಡುವ, ಜೇನು
ನಿದ್ದೆಗೆ ಜಾರೋ ನನ ಕಂದ
ನಿದ್ದೆಗೆ ಜಾರೋ ನನ ಕಂದ...

ಮೆಲ್ಲನೆ ಬೆನ್ನನು ತಟ್ಟಿ
ಗಲ್ಲಕೆ ಮುದ್ದನು ಇಟ್ಟು
ಜೋಗುಳ ಹಾಡುವೆ ನನ ಕಂದ
ಜೋಗುಳ ಹಾಡುವೆ ನನ ಕಂದ...

ಓಡೋಡಿ ಬಳಿ ಬಂದು
ಉಡಿಯ ನುಸುಳಿ ಇಂದು
ಹಾಯಾಗಿ ಮಲಗೋ ನನ ಕಂದ
ಹಾಯಾಗಿ ಮಲಗೋ ನನ ಕಂದ...

ರಂಪಾಟ ಸಾಕಿನ್ನು
ಜೊಂಪಾಟವ ಆಡಿನ್ನು
ಸೊಂಪಾಗಿ ಮಲಗೋ ನನ ಕಂದ
ಸೊಂಪಾಗಿ ಮಲಗೋ ನನ ಕಂದ...

ಹಾಯಾಗಿ ಮಲಗೋ ನನ ಕಂದ...
ನಿದ್ದೆಗೆ ಜಾರೋ ನನ ಕಂದ...
ಬೆಚ್ಚನೆ ಮಲಗೋ ನನ ಕಂದ...
ಹಚ್ಚಗೆ ಮಲಗೋ ನನ ಕಂದ...

ಇದರಲ್ಲಿ ಯಾವ ಪದ್ಯವನ್ನಾದರು ಕಲಿತರೆ ಒಳ್ಳೆಯದು. ಒಟ್ಟಿನಲ್ಲಿ ಹಾಡು, ಕಥೆ ಹೇಳಿದರೆ, ಅದನ್ನೇ ಕೇಳುತ್ತಾ ಮಕ್ಕಳು ನಿದ್ದೆ ಹೋಗುತ್ತಾರೆ !

ತೊಟ್ಟಿಲು ತುಗುವಾಗ ಹಾಡುವ ಹಾಡು :

ಕೆಳಗಿನ ಲಾಲಿ ಹಾಡುಗಳು ಮಕ್ಕಳಿಗೆ ಬಲು ಪ್ರಿಯ : (ಈ ಹಾಡನ್ನು ಕೇಳಲು, ಲಿಂಕನ್ನು ಕತ್ತರಿಸಿ ಪೇಸ್ಟ್ ಮಾಡಿದರೆ ಕೇಳಿಸುತ್ತೆ)

* http://www.chidambarashrama.org/mp3/Puja_Krama/Laali_Laali_lo_jeevathma_Laali.mp3

* http://www.chidambarashrama.org/mp3/Morning/Elu%20Elayya%20paresha.mp3

Comments

Post a Comment

Popular posts from this blog

ತಾಯಿಯಂತೆ ಮಗಳು ನೂಲಿನಂತೆ ಸೀರೆ !

Image
ತಾಯಿಯಂತೆ ಮಗಳು ನೂಲಿನಂತೆ ಸೀರೆ ! ಇದು ಯುಗಯುಗಗಳಿಂದ ರೂಢಿಯಲ್ಲಿರುವ ಮಾತು. ಈಗ ನಮ್ಮ ಮುದ್ದು ಗೌರಿ ಅದನ್ನು ಸಾಬೀತು ಪಡಿಸುವಲ್ಲಿ ತೊಡಗಿರುವಂತೆ ಭಾಸವಾಗುತ್ತಿದೆ. ಅದೇನೋ ಅತ್ತೆ-ಸೊಸೆ ಎಂದಿಗೂ ತಾಯಿ ಮಗಳಾಗಲು ಸಾಧ್ಯವಿಲ್ಲವೇನೋ, ಎನ್ನುವಂತೆ ವರ್ತಿಸುತ್ತಾರೆ. ಆದರೆ ತಾಯಿ ಮಗಳು ಮಾತ್ರ ಅದೇನು ಅನ್ಯೋನ್ಯತೆ, ಹೊಂದಾಣಿಕೆ, ತನ್ನ ಮಗಳು ಏನೇ ತಪ್ಪು ಮಾಡಿದರು ಅದನ್ನು ಸೀರೆಗೆ ಒರೆಸಿಕೊಂಡು ಅವಳ ಪರವಹಿಸುವ ತಾಯಿ, ಹಾಗೆಯೇ ಅಮ್ಮನನ್ನು ಒಪ್ಪಕ್ಕಿಟ್ಟುಕೊಂಡು ಮಾತಾಡುವ ಮಗಳು ವಿಶ್ವದಾದ್ಯಂತ ಸಿಕ್ಕುತ್ತಾರೆ. ಆದರೆ ತಂದೆ ಮಗನ ಮಾತೇ ಬೇರೆ. ಮತ್ತೆ ತಂದೆ ಮಗಳ ಅನ್ಯೋನ್ಯತೆ ಸರ್ವಮಾನ್ಯ. ಇನ್ನು ಮಗಳೋ ತಾಯಿಮನೆ ಗಂಡನಮನೆಯನ್ನು ಬೆಸೆಯುವ ಒಂದು ಭದ್ರವಾದ ಕೊಂಡಿ ! ಅವಳಿರುವ ಜಾಗದಲ್ಲಿ ವೈಮನಸ್ಯತೆ ಇಲ್ಲ. ಪ್ರೀತಿ, ಸೌಹಾರ್ದ, ಹೊಂದಾಣಿಕೆಗಳು ವಿಪುಲವಾಗಿ ಕಾಣಿಸಿಕೊಂಡು ನೆಮ್ಮದಿ ವಿಶ್ವಾಸಗಳ ತಾಣವಾಗಿ ಮೆರೆಯುತ್ತವೆ. ಇದು ಸರ್ವೇ ಸಾಮಾನ್ಯವಾದ ಮಾತು ! ಇದು ನಮ್ಮ ಮುದ್ದು ಗೌರಿ ಮತ್ತು ಅವರ ಪ್ರೀತಿಯ ಅಮ್ಮ ಹರ್ಷರ ಜೊತೆಗೂಡಿ ತೆಗೆದ ಫೋಟೋ ! (ನಾವು ನೋಡಿದ ಮೊದಲ ಫೋಟೋ) ಇದೇ ತರಹದ ಫೋಟೋ ಅಪ್ಪನ ಜೊತೆಯಲ್ಲಿ, ಗೆಳತಿಯರ ಜೊತೆಯಲ್ಲಿ, ಅಂಕಲ್ ಆಂಟಿ  ಜೊತೆಯಲ್ಲಿ ಇದ್ದರೆ, ಕಳಿಸು. ಇಲ್ಲಿ ಹಾಕುತ್ತೇನೆ 
Read more

Shri. Chitradurga Mahadev Bhatt, Bombay's one of the Great Yoga teachers during 1950s to 1980s !

Image
Shri. Chitradurga Mahadev Bhatt. Bombay's one of the Great Yoga teachers during 1950s to 1980s ! ಪ್ರಸಿದ್ಧ ಯೋಗಾಚಾರ್ಯ, ಹಾಗೂ ಸಂಸ್ಕೃತ  ಪಂಡಿತರಾಗಿದ್ದ  ಚಿತ್ರದುರ್ಗ ಮಹಾದೇವ ಭಟ್  , 'ಸಿ. ಎಂ. ಭಟ್,' ಎಂದೇ  ತಮ್ಮ ಗೆಳೆಯರಿಗೆ ಹಾಗೂ  ಸಹೋದ್ಯೋಗಿಗಳಿಗೆ ಚಿರ ಪರಿಚಿತರಾಗಿದ್ದರು.   ಚಿತ್ರದುರ್ಗ  ಮಹದೇವ್ ಭಟ್ಟರು, ಗುಂಡಾ ಭಟ್ಟರ ೬ ಜನ ಮಕ್ಕಳಲ್ಲಿ ಒಬ್ಬರಾಗಿ ಜನಿಸಿದರು. ಗಂಡು ಮಕ್ಕಳು : ೧. ಪುರುಷೋತ್ತಮ್  ಜೋಯಿಸ್, ೨. ಮಹಾದೇವ್ ಜೋಯಿಸ್, ೩. ಶ್ರೀನಿವಾಸ್ ಜೋಯಿಸ್,  ಹೆಣ್ಣು ಮಕ್ಕಳು : ೧. ಶಾರದಮ್ಮ, ೨. ಮೀನಾಕ್ಷಮ್ಮ ೩. ರತ್ನಮ್ಮ.   ಗುಂಡಾ ಭಟ್ಟರು ಚಿತ್ರದುರ್ಗ ಮತ್ತು ಹತ್ತಿರದ ಗ್ರಾಮಗಳಲ್ಲಿ ಪೌರೋಹಿತ್ಯವನ್ನು ತಮ್ಮ ವೃತ್ತಿಯಾಗಿ ಪಾಲಿಸುತ್ತಿದ್ದರು. ಅವರು ಸಂಸ್ಕೃತ ಹಾಗೂ ಜ್ಯೋತಿಷ ಶಾಸ್ತ್ರದಲ್ಲಿ ಪ್ರಕಾಂಡ ಪಂಡಿತರು.  ಮಹಾದೇವ ಜೋಯಿಸ್ ರವರಿಗೆ  ಮಹದೇವ್ ಭಟ್ಟರೆಂದು ಹೆಸರು ಬರಲು ಕಾರಣ;    ಇದಕ್ಕೆ ಒಂದು ಚಿಕ್ಕ ಕತೆಯಿದೆ. ಮಹಾದೇವ ಜೋಯಿಸ್ ತಮ್ಮ ೧೨ ನೆಯ ವಯಸ್ಸಿನಲ್ಲೇ ಸಂಸ್ಕೃತ ಕಲಿಯಲು ಮೈಸೂರಿನ ಸಂಸ್ಕೃತ ಪಾಠಶಾಲೆಗೆ ಸೇರಿಕೊಂಡರು. ಅಲ್ಲಿ ಸಂಸ್ಕೃತದಲ್ಲಿ ಪಾಂಡಿತ್ಯ ಪಡೆದ ತರುವಾಯ ಮೈಸೂರಿನ ರಾಜಮನೆತನದ ಸಂಸ್ಕೃತ ವಿದ್ಯಾಶಾಲೆಗಳಲ್ಲಿ ಶಿಕ್ಷಕರಾ...
Read more

ಮಧುರ ಕ್ಷಣ- ಸರಸ್ವತಿ ಸಮ್ಮಾನ್, ಪದ್ಮ ಭೂಷಣ ಪ್ರಶಸ್ತಿ ವಿಜೇತ, ಡಾ. ಎಸ್ ಎಲ್. ಭೈರಪ್ಪನವರ ಜತೆ ಸಂದರ್ಶನ !

Image
ನನ್ನ ಜೀವನದಲ್ಲಿ ಗಾಢವಾದ ಪ್ರಭಾವ ಬೀರಿದ ಕೃತಿಗಳಲ್ಲಿ ಶ್ರೀಯುತ ಎಸ್. ಎಲ್. ಭೈರಪ್ಪನವರ 'ಭಿತ್ತಿ' ಮತ್ತು 'ವಂಶವೃಕ್ಷ' .  ನನ್ನ ಎಲ್ಲಾ ರೀತಿಯ ಸಮಸ್ಯೆಗಳಿಗೆ ಇವುಗಳಲ್ಲಿ ಉತ್ತರ ಸಿಕ್ಕಿದೆ. ಹಾಗೆಯೇ ಇವರ ಇತರ ಕೃತಿಗಳನ್ನೂ ಬಹಳ ಆಸಕ್ತಿಯಿಂದ ಓದಿದ್ದೇನೆ. ಓದಿ ಹಲವರಿಗೆ ಕೇಳಿಸಿದ್ದೇನೆ. ಇಂತಹಾ ಮೇರು ವ್ಯಕ್ತಿತ್ವದ ಹಿರಿಯರನ್ನು ಕಾಣಬೇಕು, ಮಾತನಾಡಬೇಕು ಎಂಬ ಆಸೆ ಬಹಳ ದಿನಗಳಿಂದ ಇತ್ತು. ಹಿಂದೊಮ್ಮೆ ಕಂಡಿದ್ದರೂ ಸಮಾರಂಭದಲ್ಲಿ. ಅದೂ ದೂರದಿಂದ. ಮಾತನಾಡಿದ್ದರೂ ಅದು ದೂರವಾಣಿಯಲ್ಲಿ. ನೇರವಾಗಿ ಅಲ್ಲ. ಈಗ ಈ ಸುಸಂದರ್ಭ ಸಿಕ್ಕಿತು. ಸೋದರ ಮಂಜುನಾಥ್, ನನ್ನನ್ನು ಅವರ ಮನೆಗೆ ಕರೆದೊಯ್ದು ಪರಿಚಯಿಸಿದರು.  ನನಗೆ ನಿಜವಾಗಿಯೂ ಏನೂ ಮಾತನಾಡಲು ಮೊದಲಿಗೆ ತೋಚಲಿಲ್ಲ. ಬಹಳ ಪ್ರೀತಿಯಿಂದ ಕೂಡಿಸಿ ಮಾತನಾಡಿಸಿದರು. ಈಗಿನ ಮಕ್ಕಳ ಶಿಕ್ಷಣದಲ್ಲಿ ಮೌಲ್ಯ, ನೀತಿ ಕಾಣೆಯಾಗುತ್ತಿರುವುದರ ಬಗ್ಗೆ ಕಳಕಳಿ ವ್ಯಕ್ತಪಡಿಸಿದರು. ಬಳಸುವ ಭಾಷೆಯ ಬಗ್ಗೆ, ತಮ್ಮ ಕಾದಂಬರಿಗಳ ಬಗ್ಗೆ ವಿಚಾರಗಳನ್ನು ಹಂಚಿಕೊಂಡರು. ಫೋಟೋ ತೆಗೆಯಲು ಅನುಮತಿ ನೀಡಿದರು. ಆರೋಗ್ಯ ಸರಿಯಿಲ್ಲದೆ ವಿಶ್ರಾಂತಿ ಪಡೆಯುತ್ತಿರುವುದಾಗಿ ಹೇಳಿದರು. ನಾನು ಅವರ ಕಾದಂಬರಿಗಳನ್ನು ಓದಿ ರೆಕಾರ್ಡ್ ಮಾಡಿ ಆಸಕ್ತರಿಗೆ ಕೇಳಿಸುತ್ತಿರುವುದರ ಬಗ್ಗೆ ಮೆಚ್ಚುಗೆ ಸೂಚಿಸಿ ಶುಭ ಹಾರೈಸಿದರು. ಕಳಿಸಿಕೊಡಲು ಬಾಗಿಲವರೆಗೂ ಬಂದರು. ನಿಜಕ್ಕೂ ಇದೊಂದು ಮಧುರ ಕ್ಷಣ. "ಗೋವಿನ ಕಥೆ"...
Read more